عن الفراغ والعزلة - فضفضة - !i

 
فى محاولاتى المعتادة والمتكررة للهروب..

 بيتطلب الموضوع منى يادوب شوية نوم كتير وأحلام أكشن دراما ميكس أكتر , 

تطنيش لكل الحاجات على رأسها الشمس والناس والفيس والموبايل ..

وفى الغالب كل جوانب الحياة المعروفة للناس .

المشكلة إنى لما بحب أنعزل بعرف كويس أعمل كده,

 لكن للأسف مش بستفيد من قدرتى دى .

الإنعزال ممكن يبقى مفيد فى إعادة ترتيب الأوراق ويديكـ دفعة تبدأ فى حاجات جديدة

 أو تكمل حاجات مأجلها ..

لكن الإنعزال والخلوة عندى لما تطور مع السنين لشكل من أشكال الحياة الطبيعية أساساً بقى مجرد مرحلة إكتئاب مبهجة معتادة - أه مبهجبة - وبيوضحلى قد إيه الحياة فاضية ومفيهاش أى حاجة ممكن تتعمل وحجم الفراغ اللى بعانى منه بالرغم من ده فأنا بحب العزلة والوحدة وبحس بالقلق وعدم الإرتياح فى وجود الناس ويمكن مش كل الناس بس فى الغالب هو ده الإحساس الغالب عليا وبالتالى منجحتش فى أى حاجة فى حياتى لغاية دلوقت ..

يتبع ...