الجمعة، 2 أغسطس 2013
الأحد، 14 يوليو 2013
عن الأيام اللى بيقولوا المفروض حلوة !!
جرعة يأس شديدة تتجول فى أرجاء الروح
أيام رتيبة تملأ جدول أعمالها الفارغ إلا من اللاشىء
هروب مستمر لأحلام قديمة وبعض الشعور بالذنب
رؤية معتمة لكل ما هو آت ||
صباح جديد ..
شمس لم تشرق بعد ..
قمر أزرق يرسل أضواءه متأخراً فتضيع هباءً ..
لسان عاجز أن ينطق بدعاء ..
وقلب تسكنه أحلام جفاء
أيام تسلب وقرار عاجز
ويقولون كل بالوقت يمر
وعداه لم أجد سوى ذاكـ المر
هووووووووووووووووووووووووف
فضفضة :(
السبت، 13 يوليو 2013
فانوس !!
و كما سلفــ ..
يمر عامٌ أخر •٠·
ولم يُهدِهَا [ أحدٌ ] بعد
فانوساً - ولو ورق -
لم تعدْ أمْنِيَتِى ╰☆╮
الثلاثاء، 9 يوليو 2013
الخميس، 4 يوليو 2013
العلم اللى على باب البيت !! - نسخة غير منقحة -
العلم المصرى !!
علاقتنا بالعلم بدأت لما رحنا المدرسة وبقينا نحييه كل يوم الصبح فى الطابور
أو نرسمه فى حصة الرسم بالمسطرة .
وكان طبعاً له الظهور المميز فى المباريات والأحداث الرياضية للمنتخبات المصرية والإحتفالات السنوية بالعبور وخلافه .
ولما رحنا الكلية وبدأت أنشطة كبيرة وإحتفالات كان العلم الكبييييير اللى على مبنى الكلية حاجة فرحتنا كلنا وياما اتصورنا معاه
وتيجى بعد كده أحداث الثورة والإنتخابات والأحداث السياسية المتتالية ويظهر العلم فى أشكال مختلفة من دبابيس وبروشات وغيره
هو يعنى إيه العلم أصلاً ؟!
ومش قصدى التفسير العقيم اللى من كتر من اتكلمنا فيه فقد معناه من حيث دلالة الألوان .
العلم رمز لهويتكـ متمثل فيه وطنيتكـ وحبكـ للبلد وبيولد فيك احساس الحميمة والإنتماء فى لحظات تغلب عليها العاطفة .
طيب العلم الأمريكى ؟
علاقتنا بيه إننا بنحرقه فى مظاهرات ونكرهه لما نشوفه فى أى حدث .
إنما لو فى فيلم أجنبى وخصوصاً لو ملحمى زى مثلاً فيلم Independence Day طبعا بيبقى شعور مغايير تماماً
عشان كده إحنا غير منصفيين غيرمحاييدن بالمرة
إن عندنا عقدة الخواجة وبنحب كل حاجة مستوردة حتى فى الثقافة والموسيقى والسينيما وخلافه
وبرغم إن إختلافنا الجوهرى مع الحكومات مش مع الشعوب إلا إننا بنترجمه بالشكل وفى الوقت الغلط
من الملاحظ الإعتزاز الكبير لدى الشعب الأمريكى برمزية العلم بداية من صارية العلم فى مقدمة بيوتهم واللى بتلاقي عليها العلم بيرفرف طوال أيام السنة والألوان الثلاثة للعلم اللى بتلاقيها فى بالونات وكل الزينة مش بس العلم فى معظم احتفالاتهم هما معتزين جداً بهويتهم وإنتمائهم لبلدهم مهما كان وجهة نظر العالم ليها .
والحمد لله مبقاش ظهور العلم عندنا حاجة تدعو للدهشة مؤخراً
خلينا نفكر شوية وهرجعلكم تانى إن شاء الله
مش مركزة خالص دلوقتى :)
الاشتراك في:
الرسائل (Atom)