زى النهاردة ..

زى النهاردة..

زى النهاردة من قريب مش من بعيد

زى النهاردة كان ممكن يجمعنا عيد 

فكرت أرتب للجاى من شهور

هدية ومفاجأة وأحلام مشفتش نور

ضيعت فرصة كانت بين إيديك

ضيعتنى ومش ممكن هندم عليك 

أنا لما بكتب أو بقول مقصدش أعاتب 

أنا جوه منى احساسات واسمى كاتب

أمنيتى ..

استغفر الله العظيم :(

سبحانك ربى ; وكم من كلمة نطق بها ابن آدم وهو لا يدرى مبلغها..
فهوت به لقاع جهنم :(

اليوم انتبهت لبعض حديثى_ وكأننى أشاهد نفسى تتكلم _ فتبين لى أمر جلل..
إنى أفعل ولا أظننى فاعلة ; إنى أكل لحمهم نيئاً ..

 كم بغضت هذه العادة التى أراها فى كثيرات من حولى ..
وامتعضت لفكرة وجودى فى المكان معهن فأحيانا أسكت عن حوارهم
وقلما اجُتُذِبْتُ للمشاركة ..

وحينما تفكرت فى كلماتى ..
وجدتنى أنا الآخرى أفعلها وإن استصغرت شأنها أثناء حديثى
إلا أن حقيقة الأمر أنى فاعلة ..

فإن كنت لا تدرى فتلك مصيبة وإن كنت تدرى فالمصيبة أعظم ..
وأنا الآن أدرى :(


فاستغفر الله العظيم من كل شخص اغتبته..
اللهم أعنا على ذكرك وشكرك وحسن عبادتك ..
اللهم ارحم واغفر وتقبل التوبة ..

اللهم آمين..

أمنيتى

أين ؟!!

يسألنى الطفل الصغير عنك شوقاً

بعدما اعتاد رؤياك ..
فأعلمه حروف الوداع مبكراً 

وألقنه كلمة " لن يعود "
فيتمتم بها ويردد "مسى خلاث!!"

وكم أحسده..

فهو صغير جدا على أن يتذكرك بعد فترة من الآن
 

أما انا ..

مازلت أحاول محوك من ذاكرة أيامى  

وأطردك من نومى وأحلامى..

أمنيتى ..

اسأل استشير ..

السؤال مش عيب ومش حرام ..

 

 

 

 

فى أحد الانترفيوهات سُئلت الآتى :

إذا دخلتى إلى صيدلية فى زيارة كميديكال ريب
كيف تعرفين الصيدلى من المساعد إذا كان كلاهما يرتدى البالطو؟

فأخذت أتفلسف فى الاجابات واستعرض الطرق الخرافية لمعرفته

فأعاد علي السؤال طريقة أخرى

ماذا إذا دخلتى عيادة طبيب..
كيف تعرفين الدكتور من الممرض إذا كان كل منهما يرتدى البالطو الأبيض؟

وفى النهاية اجبته " هسأل بقى وأمرى لله :D "

وهنا تعلمت الدرس

تعلم ثقافة السؤال عن المبهمات ..
فقد تظن وتبنى على تلك الظنون أحكاماً ليس لها بالواقع ارتباط..

ولكن احذر من كثرة السؤال والسؤال عمالا يخصك ..



دمتم بخير
أمنيتى..

ونحبهم ..

ونحبهم ..

نقدس وجودهم في حياتنا..
ونبني بقراراتهم مستقبلنا..
يخطئون أحيانا عندما يحسبونا لم نعد أطفالا,

فيتركونا لأهواءنا ولا يمنعونا..
تسوء خياراتنا ويسكن الفشل فينا ونظل نؤمن بأنه ذنبنا وحدنا..
قد يبخلون بكلمات الاعتذار علينا ..
ولكن لا يسعنا سوي أن نحبهم فهم يحبوننا..

nona OnlyMe
3/9/2011

أمنيتى ..

شهد مر..

 شهد مر ..

كل شىء فى الطريق كان بيقول للخلف در

صممت أكمل وقلت حتما أكيد همر

راحت ليالي وجت أيام ولا شىء يسر

فات الي فات والقلب شاب وكأنه عمر

مشيت وداع من غير سلام !! قلت انت حر

لا أندم ولا أبكى يوم هوى كان شهد مر 

وحدى وهكمل ده الغريق له ألف بر

أمنيتى ..

خَليِك فِى حَالكْ ..

أرجوك متفتيش..

يا شعب ماشى فى اللى جنبه يُشُكْ
الدنيا بتهرول وانت ليه بِتزُكْ

شهيد وثورة خَلوا عقدة لسانك تُفكْ
مصدقت وفى كل حاجة بقيت تفتى و تُلٌكُ

اتكلم فى اللى تفهمه يا عَلَى لسانك سُكْ
منتاش خبير عشان عندك فيس بُوكْ

أمنيتى ..

كونى مدينتى..

كونى مدينتى..

هم يقولون بأنك ساحرة

فى الليل دوما ساهرة

وعلى الجميع قادرة

بقسوتك تزهى متفاخرة

وهم يسمونك قاهرة

.....

أما أنا فأحبك ولا أدرى

تسكنين أحلامى وصدرى

أهواكى بعنف قد فاق صبرى

ولأجل نيلك أبيع عمرى

أنا لحياة تجمعنى بكِ أصلى

أمنيتى وعمرى..

فِــــذْ قُـــــــــوم ..

المدونة دى إن شاء الله وشها حلو 

على قريحتى الشعرية

بدأت تندع من تانى عامى وفصحى 

أسيبكم مع..

فِــــذْ قُـــــــــوم ..

ياللى فيك حلمك أسير .. 

كل يوم تحلم تطير..

وتعدى أيامك قوام..

والأمانى تصبح ركام..

ما هيطلعلك يوم جناح..

وانت مكتفى بالنواح..

فذ قوم من رقدتك ..

ورى الشموس نور طلتك ..

متناش قليل لو تعوز..

آمن وصدق وراح تفوز..

دمتم بخير 

أمنيتى ..

تربيزة كمبيوتر ..

حلم بسيط وقفنى عن تحقيق حاجات كتير, 

وكل الحكاية تربيزة كمبيوتر ..

 

تبدأ الحكاية لما كنت فى ابتدائى واتعملى المكتب -قال يعنى هذاكر عليه- وللأسف كنت أقصر من إنى أقعد عليه مرتاحة :D

ومحاولات مستميتة إنى اقعد اذاكر عليه واللى كانت بتنتهى دايما بالفشل 

وبعد فترة يظهر الكمبيوتر فى حياتى ويكون مصيره برضه فوق المكتب

اللى عمرى ما استريحتله 

ويتنقل الكمبيوتر ما بين تربيزة والمكتب الموعود 

وفى أغلب الآوقات كانت الشاشة بتبقى تقريبا ع المخدة جنب الكيبورد والماوس 

ودايما يكون حلمى إنى اشترى تربيزة كمبيوتر تخلينى أقعد مرتاحة

واعرف أشتغل على النت براحتى

بدل منا بكسل أعمل أى حاجة بسبب القعدة اللى مش مريحانى 

وبدل ما أشترى تربيزة كمبيوتر

اشتريت لاب توب قال يعنى هقعد ع السرير بيه مرتاحة

وللأسف الحلم برضه لسه متحققش وعلى كده بقالى أكتر من 9 سنين تقريبا 

أحلام كتير متعلقة واحلام كتير ماتت بسبب تربيزة الكمبيوتر 

وعشان كده انا قررت إن شاء الله أنزل أشتريها النهردة

يمكن يكون حظ المدونة دى أحسن من اللى قبلها

ع الـــهـــامــــش ..

  

واللى قفلتها بسب إنى مش عارفة اقعد اكتب فيها

العبرة من الحكاية الطويلة العريضة دى بتفسر مثل شعبى بيقول 

"حجة البليد مسح الدكة " 

وأنا همسح الدكة لما نشوف أخرتها 

دمتم بخير 

أمنيتى ..